Dun xeito moi divertido celebran na tenda de moda Ela Diz, en Compostela, o seu terceiro aniversario. Sabedes como? Convocando unha quedada moi especial, para o venres, 21 de marzo onde os protagonistas son un dos artigos estrela da tenda, os famosos zocos de Elena Ferro a zoqueira de Merza (Vila de Cruces, Pontevedra), que reinventou o concepto do zoco tradicional galego e o posicionou nun atractivo produto de calidade onde as cores do arco da vella tinguen a gusto do cliente marabillosas pezas.
Se loces con orgullo os teus zocos Elena Ferro e che apetece formar parte desta curiosa iniciativa, compartir impresións con outros “fans”, ou coñecer a súa creadora, as novas tendencias….. debes achegarte a Compostela (Ela Diz – Rúa Nova, 24). Ademáis xa sabedes que tratándose dunha celebración de aniversario, non han faltar sorpresas!
Foto: Ela Diz Tenda.
Galicia modo ON 
Grazas por compartir a nosa #Zoqueada!
Reblogged this on Eladiz and commented:
Galicia modo ON escribe sobre o noso 3º Aniversario, e sobre a #Zoqueada do vindeiro venres 21 de marzo xunto con Elena Ferro a zoqueira de Merza.