Unha versátil e orixinal incitativa chega directamente de terras do Barbanza a Galicia modo ON; trátase dun evento que consideramos especial por acoller nun único núcleo todo un universo de arte, creatividade e compras; un deses eventos nos que os asistentes non son meros observadores, senón que pretende facelos partícipes e brindarlles a oportunidade de sacar a relocer a súa imaxinación, experimentando dun xeito activo e gratificante. O vindeiro venres, 11 de Outubro celébrase en Boiro (no local social) o Encontro Creativo CREATURAS SHOWROOM.
Promovido pola colectivo Creaturas e coa colaboración do Concello de Boiro o CREATURAS SHOW ROOM funciona como paraugas dunha importante variedade de artistas e comerciantes da zona, achegando nun espazo único os procesos de elaboración e deseño de certos artigos senlleiros e de calidade.
ARTE, MODA e GASTRONOMÍA son as tres temáticas que maior protagonismo cobran, aínda que o CREATURAS SHOW ROOM conta cunha PROGRAMACIÓN ateigada de actividades.
ARTISTS UPSTAIRS
No espazo adicado á arte terán lugar diversas mesas redondas temáticas na que intervirán artistas, profesionais de diversas disciplinas, como o debuxante Brais Rodríguez Verde, Esther Carrodeguas (performance/recital), Jose Angel Fontenla Chas (fotografía), Pilar Ageitos, María Magan, Moisés (Studio Moai), Suso_Mundo CReativo, Loli Regueira (Arte Barbanza), Pascual Vidal, etc. Moitos son os artistas convidados que dende un punto de vista divertido e orixinal compartirán cos asistentes a súa particular visión sobre situacións ou temas que se propoñerán no desenrolo das mesmas. O factor sorpresa promete xogar a favor da CREATURAS SHOW ROOM (abonda con lle botar unha ollada ao curioso cartel amarelo creado para tal ocasión para comprobar a intencionalidade).
MODA, DESEÑO E CUSTOMIZACIÓN
Algunha vez vos paráchedes a pensar nos distintos procesos (fabricación dos tecidos, confeción e tratamentos…) polos que pasa unha peza de roupa antes de chegar a mans do cliente? Interesante coñecer como comeza a emerxer no mundo da moda unha preocupación e compromiso polo medio ambiente. Os amigos da tenda Baldani darán a coñecer a revolución dos Nude Jeans, prendas 100% actuais elaboradas a partir a partir de algodón natural non tratado químicamente e realizados sen man de obra barata. Unha demostración de lavado por parte de Baldani amosará o desgaste destes curiosos pantalóns.
Nesta sección tamén haberá un oco para customización de camisetas e zapatillas por parte de artistas como a nosa coñecida Antoxo de Toxo (na imaxe, unhas zapatillas deseñadas por eles); os enxeñosos e elegantes tocados e turbantes de Diane Onlooker; as porpostas para o outono de Lookbooky ; e incluso a perruquería creativa estará latente da man de Amparo Fernandez, de La Pelu.
Os desfiles de moda son outra interesante acción que tenta captar a atención e atracción dos asistentes ao Showroom e que por suposto non poden faltar cando se trata de facer que a moda sexa máis imaxinable.
GASTRONOMÍA…CON BO SABOR!
Múltiples obradoiros farán as delicias dos padais máis exquisitos, xa que o CREATURAS SHOWROOM, ten tamén a intención de que os asistentes experimenten e vivan a cociña. Nun destes talleres, o equipo Cocina de Color Lila compartirá os seus consellos gastronómicos. Tamén a dozura das larpeiradas será protagonista neste espazo xa que un dos talleres, desenrolado por Vox Ánima ensinará aos cativos (e larpeiros de todas as idades) como facer caramelos e outras irresistibles lambonadas.
Pero non só de arte, moda e gastronomía se nutre o CREATURAS SHOWROOM; se estamos ante un evento no que o ocio ha de ser un dos grandes protagonistas da velada…por tanto música, monólogos e exhibicións tamén serán pratos fortes nesta edición. Non podemos esquecernos doutros talleres de artesanía programados para a tarde do venres, nos que desfrutar de actividades para todos os gustos: fabricación de xabróns ecolóxicos, papiroflexia, amigurumi (bonequiños de ganchillo), obradoiros textís e de area.
Son tantas e tan boas as opcións que propón o CREATURAS SHOWROOM que se nos fai difícil enumerar as múltiples razóns polas que consideramos máis ca recomendable asistir a esta celebración que, ademáis de completa, interesante e creativa promete asegurar a diversión de todos os asistentes.
Non nos queda máis que recomendarvos que botedes unha ollada ao PROGRAMA para non vos perder así ningún dos seus momentos!
Galicia modo ON 